ديپچندر تلوڪچند ’چندر‘: سنڌي ٻوليءَ جو ناميارو اديب ۽ ليکڪ ديپچندر تلوڪچند بيلاڻي ’چندر‘، 17 اپريل 1909ع تي نوابشاهه ضلعي جي ڳوٺ ’ڪاڻيا ڪلهوڙا‘ ۾ ڄائو. اڌ صديءَ کان مٿي ليکڪ، شاعر ۽ مضمون نگار طور ادبي پسمنظر رکي ٿو. هن ۽ پرڀداس برهمچاريءَ ماهوار رسالو ’ڦلواڙي‘ ٻيهر جاري ڪيو، جيڪو تمام گهڻو مشهور ٿيو. ديپچندر ٻارن لاءِ ڪهاڻيون ۽ ٻيو ڪافي ادب تخليق ڪيو.
هن جا ڪيترائي ڪتاب ڇپيل آهن، جن ۾ (1) آريه ديـويــون (1936ع)، (2) ناري رهبر (1938ع)، (4) رام ورکا (1943ع)، (5) ڪستورٻا (مهاتما گانڌيءَ جي گهر واريءَ ڪستورٻا جي ڪٿا: 1944ع)، هندي انگريزي سنڌي ڊڪشنري (1962ع)، سنڌي سُونهارا (1966ع) ۽ ’جواهر درشن‘ (جواهر لال نهروءَ جي ڪٿا: 1967ع) شامل آهن، جن مان ’جواهر درشن‘ ڪتاب، ٻاراڻي ادب چٽاڀيٽيءَ ۾ انعام يافته آهي. ديپچندر، ورهاڱي کان پوءِ اجمير ۾ وڃي رهيو.
1909.04.17 عيسوي
سنڌي ٻوليءَ جو ناميارو اديب ۽ ليکڪ ديپچندر تلوڪچند بيلاڻي ’چندر‘، 17 اپريل 1909ع تي نوابشاهه ضلعي جي ڳوٺ ’ڪاڻيا ڪلهوڙا‘ ۾ ڄائو.